Oranjestad-Aruba
Por a compronde cu e intencion tabata pa e caso tuma lugar mayan mainta(dialuna) pero un “regie zitting” caminda abogadonan lo tin e oportunidad di pidi pa investigacionnan cu nan ta desea pa sosode promer cu e tratamento di e caso.
Diabierna atardi, Ministerio Publico a anuncia cu e caso lo ta dialuna mainta 8.30. Por a compronde cu abogado a reacciona riba esaki caminda lo a haci peticion pa haci investigacion. Esey a trece cun’e cu a keda dicidi cu ta pospone e caso aki pendiente e investigacionnan. Despues cu e investigacionnan keda cla, lo wordo anuncia un fecha cu tratamento di e caso lo tuma lugar.
E ACUSACIONNAN TA LO SIGUIENTE
Ministerio Publico ta acusa e grupo aki di a cumpra e ex agente Vos.
Den e periodo di 1 Januari 2021 te 22 di Maart 2023, conhuntamente, a ofrece un ambtenaar den funcion di Cuerpo Policial di Aruba regalo of promesa cu e meta pa hib’e na haci of keda sin haci algo contra deber di su trabao. nan ta wordo acusa di, den e periodo menciona, conhuntamente, a intencionalmente viola secretonan di cual e tabata sa cu e ambtenaar, relaciona cu su funcion, tabata obliga pa tene.
Nan ta wordo acusa di, entre 1 Januari 2021 te 22 Maart 2023, a participa na un organizacion cu tabata consisti di un y/of mas otro persona cu tabatin como meta pa comete crimennan, esta, corupcion di un ambtenaar y/of tuma y/of duna soborno y/of maluso di funcion y/of violacion di secreto di trabao.