Beaujonstraat/ Caya Papa Juan Pablo II – Diaranson den oranan di merdia a surgi un problema den Beaujonstraat, entre 3 hende homber hoben.
Informacion oficial ricibi di Vocero Policial ta indica cu, dado momento dos di e hombernan a subi un Toyota Vitz y a lo a tira un of mas biaha.
Na yegada di patruya nan no a topa cu e personanan. Pero, si tawata tin descripcion di un di e personanan.
A bin resulta cu un unidad di Unit Narcotica a spot un di e personanan cu e descripcion, esaki tawata altura di YMCA na Dakota mes. Aki nan bay over mesora pa detencion.
Nan lo a haya sa unda e persona aki ta biba, cu eybanda mas esta na Caya Papa Juan Pablo 10 cerca di Town Dragon.
Mirando cu tin arma envolvi, a pidi pa un Sub Fiscal presenta pa asina un grupo grandi di diferente departamento a drenta e cas. Esaki ta wordo yama Huiszoeking.
Aki nan lo tawata busca e arma di candela y posiblemente droga segun nos a compronde.
Departamento di BFTO tambe a presenta pa saca potret y kizas tuma vingerafdruk tambe.
Oficialmente no a wordo informa si a haya e arma y/of droga.
