Aruba Tourism Authority (A.T.A.) ta hopi contento di anuncia un evento nobo anual cu lo stimula bo apetito y celebra e diversidad cultural di nos isla cu lo carga e nomber di: Autentico Aruba Culinary Festival. E festival exitante aki lo tuma lugar den luna di oktober 2024 y lo conta cu diferente evento cu lo destaca e calidad excepcional y e variedad di e escena di cuminda y bebida na Aruba. E evento lo ofrece tanto e local como e bishitante di e isla un exploracion culinario di tradicion etnico y autentico, hunto platonan delicioso, y un experiencia gastronomico na un nivel eleva.
Autentico Aruba Culinary Festival lo celebra e potpourri vibrante di cultura y cuminda excepcional cu Aruba tin pa ofrece hunto cu diferente restaurant y studiantenan culinario di scol EPB y EPI. E evento lo conta cu su propio restaurant week cu participacion di diferente restaurant y lo culmina cu su propio Festival: The Wilhelminastraat Pavilion den centro di Oranjestad.
Pa mas informacion y pa keda actualisa riba detaye di evento, por bishita www.autenticofestival.com.
Pa mas detalle di e festival, por tuma contacto cu e team organizador di Autentico na e-mail [email protected]
Ban uni y sera conocí cu un experiencia involvidabel y den aire liber cu Autentico Aruba Culinary Festival lo ofrece den luna di october 2024.
Tocante Aruba Tourism Authority (A.T.A.)
Desde 1 di januari 2011, Aruba Tourism Authority ta opera como un entidad ‘Sui Generis’. Un organizacion independiente den e esfera publico. Aruba Tourism Authority ta fungi como ‘Destination Marketing and Management Organization (DMMO)’ y ta responsabel pa uni interes turistico entre socionan local e internacional. A.T.A. ta pone hopi enfasis riba e modelo di “High Value-Low Impact” cu ta para pa un balanse entre aumenta e balor economico di e bishitante, posiciona Aruba como un pais desea y sostenibel, y posiciona Aruba como lider di desaroyo como un destinacion. Cu meta pa sigui mantene esfuerzonan den linea segun e balanse menciona, y logra aumenta entrada pa medio di calidad di turismo en bes di e volumen cu nos destinacion ta ricibi. Capacidad di carga ta sigui ricibi atencion di parti di A.T.A.
