ORANJESTAD – Recientemente, Departamento di Integracion, Maneho y Admision di Stranhero (DIMAS), a participa na JobFair 2024 organisa na Renaissance Convention Center y a duna informacion valioso y recursonan importante relaciona cupeticion pa permiso di trabao.
Job Fair 2024 a brinda e oportunidad di empleo, y atrae un variedad diverso di interesadonan cu ta habri pa explora posibilidadnan nobo di empleo of expande nan carera profesional. DIMAS tin un rol crucial pa stranheronan cu kier busca empleo den e mercado di Aruba. Durante di e Job Fair, Qurvin Dania y Nathaly Nicolaas di DIMAS, a empodera buscadonan di trabao cu conocemento y comprondemento di e proceso pa haya un permiso di trabao.
Bishitantenan di e booth di DIMAS tabatin e oportunidad pa papia cu e personal di DIMAS kende a duna informacion completo di e procedura di aplicacion di permiso di trabao, criteria di eligibilidad, documentacion necesario y demas informacion relevante pa integracion.
DIMAS su meta ta pa ekipa buscadonan di empleo stranhero cu informacion y guia relevante pa por nabega e proceso pa haya permiso di trabao di manera efectivo y eficiente.
Pa mas informacion bishita www.dimasaruba.aw, of contact DIMAS na 5221500.