Home » Prome Minister Evelyn Wever-Croes: INCULCA E BALOR Y IMPORTANCIA DI ARTE DEN NOS HOBENNAN DI TREMPAN TA DI GRAN BENEFICIO PA NAN FUTURO

Prome Minister Evelyn Wever-Croes: INCULCA E BALOR Y IMPORTANCIA DI ARTE DEN NOS HOBENNAN DI TREMPAN TA DI GRAN BENEFICIO PA NAN FUTURO

En conexion cu e CKV dag di Maria College

by Admin
0 comment 62 views

 

 

 

ORANJESTAD – Diamars mainta, Prome Minister Evelyn Wever-Croes tawata presente na Cas di Cultura na unda cu Maria College MAVO a organisa e Culturele Kunstzinnige Vorming Dag (CKV). E tema di e aña aki ta “briya hunto” na unda e klasnan 1,2, y 3 ta pasa nan toets pa CKV, eherciendo un bunita baile.

Tambe, durante e mainta aki e Cabesante di Maria College MAVO, señora Rosenstand a tuma oportunidad pa duna homenahe na 2 docente cu a cumpli 25 y 30 aña den servicio, gradiciendo cada un di nan pa nan esfuerso y dedicacion na futuro di nos hobennan, durante tur e añanan.

Prome Minister a expresa cu e mainta aki tabata uno sumamente bunita pa wak e talento cu cada hoben ta eherce. E tipo di “toets” aki, no solamente ta yuda nan pa ta mas sigur di nan mes, sino ta duna nan e forsa pa por logra tur nan metanan den futuro.
Prome Minister ta felicita cabesante di scol, señora Rosenstand, tur docente y alumno di Maria College cu un tremendo presentacion, y ta gradici e docentenan pa inculca e balor y importancia di arte den nos hobennan desde trempan, mirando cu esaki lo ta di gran beneficio pa nan den futuro. Prome Minister tambe ta gradici cada mayor cu tabata presente pa duna sosten na nan yiunan. “Boso apoyo incondicional ta di gran importancia pa e futuro di nos muchanan. Masha pabien cu e bunita mainta aki”, Prome Minister a expresa.

 

 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio