Savaneta – Diamars anochi rond di 10’or ney polis di San Nicolas a bay Savaneta 187, pa un cabayero drumi canto di caminda.
Manera por mira ariba e imagen nan, polis di San Nicolas a yega cu e transportwagen y tur pa bay cu e homber supuestamente burachi.
Pero, ora cu a bay control’e miho a bin resulta cu e homber desconoci pa esnan bibando rond tawata herida y benta ariba acera.
Ambulance mesora a wordo notifica y tambe polis di trafico.
A bin resulta cu e homber lo a wordo gedal cu auto, pero e auto a bandona e sitio birando un caso di hit&run.
Na e sitio nos a combersa cu testigo/nan y nan a bisa cu bo no tawata mira nada externo na e curpa esta golpi of sanger. Paramediconan mesora a rush cu e homber direccion Hospitaal.
Por a mira cu e Paramedico tawata basta bezig cu e victima momento cu tawata transportando e pa Hospitaal.
Ta trata aparentemente di locual habitantenan por a mira cu e homber por ta un persona entre 30 pa 40 aña.
Polis di trafico tin e tarea awor pa investiga y trata na resolve e hit&run aki.
