E programa di Investigacion Caribense di e Organisacion Hulandes pa Investigacion Científico (NWO) ta trahando riba desaroyo di un agenda di conocemento hunto cu habitantenan di e parti Caribense di Reino. E agenda di conocemento aki ta inventarisa cua ta e preguntanan comunitario mas urgente y con investigacion científico por contribui na un solucion. Na juni y juli 2024 NWO ta organisa encuentronan publico riba e seis islanan (paisnan) pa determina si ta reconoce e contenido.
A formula e agenda di conocemento basa riba encuestanan extenso bou di habitante- y investigadonan di e seis islanan (paisnan) na 2019 y 2021. Basa riba e encuentronan, ‘combersacionnan comunitario’, den juni y juli, lo formula e agenda di conocemento definitivo. Lo presenta esaki durante e Siman di Investigacion Hulanda Caribense na october 2024.
Investigacion cientifico duradero basa riba e region
Investigacion cientifico tin un fundeshi solido den e region, cu e contribucion structural anual di €2.500.000,- di ministerio di Enseñansa, Cultura y Ciencia (OCW). Cu lansamento di e Plataforma Caribense pa Investigacion Cientifico (CaRP) mas lat e aña aki, NWO ta brinda sosten adicional na tur hende cu ta envolvi cu investigacion cientifico, cu colaboradonan riba tur e seis islanan (paisnan).
Fechanan di e encuentronan publico
NWO ta organisa cada biaha un encuentro publico, un ‘combersacion comunitario’ pa cada isla riba topiconan cu ta hunga un papel regional y local. Ta trata di topiconan manera pobresa, siguridad di alimento, cambio di clima y identidad cultural. Durante e encuentronan por bin cu topiconan nobo y aclara topiconan existente.
Tin interes pa asisti na un encuentro publico?
Akinan di antemano e fechanan, mas informacion ta sigui.
Aruba: 17 t/c 21 di juni
Sint Maarten: 24 t/c 28 di juni
Sint Eustatius: 01 t/c 05 di juli
Saba: 08 t/c 12 di juli
Corsou: 15 t/c 19 di juli
Boneiro: 22 t/c 26 di juli