232
Paradera – Diasabra atardi polis y brandweer a bay un adres na Paradera, unda un persona lo a yama bisa cu su camber tawata na candela.
Brandweer cu a yega mesora a wordo guia unda nan mester ta, cu enberdad tawata den un camber di e cas.
Por a haya holor cu algo a kima of tawata kimando.
Algun rato depues, por a mira bomberonan carga un corchon di paden y sake pone pafo. Por a mira cu e corchon pa un of otro motibo a pega na candela.
Un señora di edad a wordo treci pafo door di famia, despues di mas cu claro pasa den un susto asina ey.
Brandweer nan a controla tur otro cos, mester a laga e cas ventila pa saca e holor y e posibel huma cu esaki ta causa.
