Camacuri – Diasabra marduga rond di 2’or, e caminda aki un biaha mas tawata scenario di un accidente di trafico serio. Dos auto a dal frontal, net altura unda algun siman atras auto a dal un peaton mata.
Ta asina cu un ambulance ariba e caminda a topa cu e accidente, y mesora ta bati alarma. Cuater persona tawata herida, di cual tres hopi serio.
Polisnan mesora a dirigi nan mes pa e sitio. Camindanan mesora a wordo cera. Ariba e caminda tur cos di e auto a keda gespart.
Tawata trata di un Hyundai Accent y un Nissan Tiida.
Segun testigo
E la conta polis cu e Nissan Tiida tawata bayendo pabou y e Hyundai Accent tawata biniedo ariba cu velocidad halto y tawata pasando auto. Momento e lo a mira e Tiida y a bay purba drenta bek ya tawata laat.
Un zonido duro a wordo scucha. Ocupantenan di e Accent lo a wordo saca di e auto, un indicacion cu nan no tawata tin seat belt bisti. Tawata trata di un homber y un muhe.
E cabayero a sufri trauma serio na un di su piana, mirando e posicion cu e pia tawata y sin conta mas golpinan. Por a mira e dama tambe a haya hopi golpi.
Den e Nissan Tiida ambos a resulta herida, pero no ta mucho cla con serio nan lesionnan ta.
Nos por a mira tambe con bateria di un di e autonan a spart y bay cay te unda hende ta cana ariba e pad.
Tur herido a wordo hiba Hospitaal, esnan mas serio cu tawata den e Accent a bay prome.
Unda e accidente a sosode tawata net dilanti e banco y eynan hopi azeta a basha tambe cu mester a wordo gefix door di D.O.W Door di basha tera etc etc.
Polis di trafico mester a presenta pa haci nan investigacion tambe.
