Algun persona levemente herida, den accidente na Macuarima

Macuarima – Diahuebs den oranan merdia polis a bay e crusada di 88Food Mart, pa un accidente entre dos auto.

Na yegada polis a topa cu un Chevrolet Captiva y un Suzuki Swift. Dos persona a resulta herida den e auto color cora cu ta e Chevrolet. Un señora na stuur y tambe patras tawata tin un menor di edad.

Ambulance a wordo pidi pa controla esnan herida, incluyendo e chauffeur di e Suzuki Swift.

Falta di preferencia ta mustra cu a hunga un rol, debi cu e Swift lo a bira dilanti e Chevrolet cu tawata biniendo di nort.