Home » Soul Beach Music Festival 2024, Un magno concierto den Harbor Arena diasabra anochi,

Soul Beach Music Festival 2024, Un magno concierto den Harbor Arena diasabra anochi,

'N Fuzion, Skip Marley y Mariah Carey y DJ Frank Ski, the best

by Admin
0 comment 179 views

Diasabra anochi a tuma lugar den harbor Arena e prome anochi di e 22 Soul Beach Festival

Oranjestad:
Pa hopi aña Aruba no a disfruta di un concierto di un nivel asina halto. Un anochi di concierto cu a sobresali di tur e conciertonan di e ultimo añanan na Aruba. Dos artista internacional di caliber halto, Skip Marley y Mariah Carey cu a duna un tremendo presentacion, mester bisa cu e concierto di diasabra anochi a sobresali grandemente riba tur e otro conciertonan di e ultimo añanan.

Diasabra anochi a inicia e concierto cu un banda local, cu tabata “N fuzion, su presentacion tabata hopi bon y a laga nos bishitantenan experiencia un poco di e ambiente local.

Despues Skip Marley a duna su presentacion, Skip Marley tin 27 aña y ta yiu di David Minto y Cedella Marley, yiu muhe di e legendario cantantenan di Reggea, Bob y Rita Marley. Skip a nace na Jamaica, pero di chikito a bay biba na Miami. Na un edad relativamente hopi jong e la cuminsa mustra su passion y talento pa musica, Su genero musical ta Reggae, pop, hip hop & Rock. Skip Marley a ricibi dos Grammy Awards  Nominations y nomina pa MTV Music Videos Awards Nomination. Su repertorio riba stage tabata unico y alabes a canta varios cantica di su welo Bob Marley. Un presentacion cu a anima e publico completo.

E ultimo artista cu a presenta tabata e cantante Mariah Carey, cu tin 55 aña di edad y ta mama di un par di morocho. Mariah ta un cantante renombra internacionalmente, ta composita, produci cantica y tambe ta un actrice. Mariah Carey a cuminsa bira popular na 1990.  Un artista cu a ricibi  6 Grammy Awards, 10 American Music Awards,  20 Billboard Music Awards y 12 Guiness World Records. Nos na Aruba tabata hopi dichoso di por a presencia un artista di un caliber asina halto manera Mariah Carey riba stage . Un artista cu mundialmente ta reconoci pa su voz unico, cantando R&B y Soul.

Mariah Carey a subi stage pa 9.45 pm en punto y a keda canta te algun minuut despues di 11′ or.  E la tuma dos pa tres break hopi cortico pa cambio di paña of touch up,  pero esaki sigur no a stroba e  show/musica di sigui, ni un seconde pasobra su bailarinnan a tuma over, cu un choreografia unico bailando riba e musica di Dj Frank Ski . E concierto cu Mariah Carey a duna aki riba e stage di Harbor Arena , ta uno cu den e ultimo añanan Aruba sigur no a conoce.
E la canta varios di su hitsnan bieu y tambe algun mas recien. Un artista cu a presenta riba e stage pa cumpli debidamente cu su publico.

Esaki ta e di 22 aña cu Aruba ta host Soul Beach Festival. Den e 22 aña nan aki a presenta un cantidad di artistanan grandi, pero por bisa esun di diasabra anochi sigur por wordo considera como un di e mihonan cu Soul Beach Festival a yega di presenta.

Diadomingo anochi ta e ultimo anochi di e concierto,  tambe e expectativanan ta halto, pasobra ta trata di Boyz to Men y Tamia, cu sigur tambe ta cantantenan grandi.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio