206
Recientemente, personal di Wardacosta a tene control riguroso na diferente parti di Aruba. A controla specificamente compania nan di deporte acuatico, den area di hotel y tambe Eagle Beach. A controla a base di 3 reglamento stipula den Landsbesluit Openbare Wateren en Stranden. E 3 reglamento nan ta:
- No ta permiti pa core duro cerca di canto di lama. Esaki ta conta for di canto te cu 50 meter riba lama.
- No ta permiti pa buta niun tipo di obstaculo cu ta stroba traficación liber di hende riba playa nan publico.
- No ta permiti pa core duro den ‘bufferzone’.
Durante di control, a constata cu diferente boto no a cumpli cu e reglamento nan menciona, y consecuentemente a parti un total di 10 boet. Un di e boto nan a faya cu varios reglamento y a ricibi 2 boet.
Wardacosta lo sigui cu control nan y ta urgi cada compania y usuario di botonan, pa tene cuenta y cumpli cu e reglamentonan ariba menciona.