Ora ta trata di orientacion riba estado fisico, hopi di nos ta referi y ta mas familiar cu beneficionan di ehercicio cardiovascular. Esta pabo cana, core bicicleta, jogging, of simplemente “dal bo cana” ta comun. Mientras recomendacionann pa hisa peso of haci push up ta schaars.
Aunke ehersicio aerobico ta fundamental pa un salud optimal, ta importante tambe pa priorisa entrenamento di resistencia, un forma di entrenamento di forsa cu ta usa resistencia di peso,e por ta peso di curpa of rubber bands di resistensia pa fortalece musculonan. Haciendo esaki ta genera hopi beneficio pa salud cu a keda demostra y cu resultadonan sorprendente.
Kico hisamento di peso ta haci cu curpa y mente
Training di resistencia, manera hisamento di peso, ta mehora bo metabolismo, permitiendo bo curpa kima mas caloria hasta den descanso.
Training cu peso ta pusha bo sobrevivencia(biba mas largo), reduciendo ansiedad y depresion, fortaleciendo bo balans y flexibilidad, yudando controla peso, reduciendo e riesgo di lesion personal, mehorando presion arterial y nivelnan di colesterol, y ta mehora salud di curason significativamente.
A pesar di e beneficionan aki, algun persona ta descarta entrenamento di resistencia pa ta solamente pa bodybuilder of personanan cu ta bay gym, un percepcion cu organisacionnan di salud ta trahando pa coregi.
“Te cu recientemente, e ehercicio aerobico tabata e centro di atencion pa mehora salud, mientras cu entrenamento di resistencia a wordo exclui den e politica mundial di salud publico”, DJ McDonough, investigador di malesa cardiovascular di e Facultad di Salud Publico di Universidad di Minnesota, ta splica. “Pero durante añanan a colecta prueba convencibel di investigacion cu ta hasi claro cu entrenamento di resistensia ta duna un cantidad grandi di benefisionan pa salud independientemente di ehercisio aerobico.
Ta p’esei e reglanan actual di e departamento di salubridad Mericano manera e Centers for Disease Control and Prevention ta recomenda
dedica 75 pa 150 minuut cada siman na ehercisio aerobico y dedica por lo menos 2 dia pa siman na aktividadnan pa fortalece bo musculonan.
KIKO TA TRAINING DI RESISTENCIA
E entrenamento di resistensia, tambe conoci como training di forsa, ta usa peso of resistensia cu e proposito di fortalece of aumenta musculonan. Mientras cu hopi hende ta asocia e resistencia aki cu hisamento di peso liber manera dumbells of barbell(bara) of cu ehercisionan basa riba machinenan, manera press di pecho of pianan, otro formanan di resistencia tambe ta cualifica.
E ehercisionan di body weight manera push-ups of situps ta otro ehempel di entrenamento di resistensia; manera ta e uso di rubber bands di cual bo por rek pa stress y desaroya musculonan.
Hasta tareanan diario manera move bo peso corporal sinta y lanta di e stul, subi trapi of carga saco pisa di supermercado y baki di paña yen ta conta.
“Mayoria di nos ta haci actividadnan di fortalecimento muscular durante henter dia sin pensa”, Eric Shiroma, director di e programa di division cardiovascular, di
National Heart Lung Blood Institute, ta bisa.
Pero, ta ora cu un movemento di peso ta repiti e condicionamento muscular ta tuma luga. “Manera musculonan ta adapta na resistencia cu tempo, nan ta bira mas fuerte y resistente”, Amanda Paluch, kinesiólogo di Laboratorio di ciensia biologico na University of Massachusetts Amherst ta splica. Den e casonan aki, e ta bisa cu no ta trata solamente di desaroya musculo, “ta trata tambe di desaroya un curpa mas fuerte cu ta mas capaz di funciona y prospera durante nos bida diario.
BON PA BO CURASON
Investigashon ta mustra cu agregando solamente 30 minuut di entrenamento di resistencia na bo rutina di ehercisio cada siman por agrega añanan na bo bida, e parti door di mehora e salud di bo curason significativamente.
E ta yuda presion arterial door di aumenta e fluho di sanger y circulacion, y ta reduci colesterol door di reduci inflamacion. Inflamacion cronico por causa acomulacion di colesterol den arterianan, cu tambe ta asocia cu propnan den sanger.
“Y nos a descubri cu hasta menos di un ora di entrenamento di resistencia pa siman ta asocia cu 40-70 porciento di reduccion di riesgo di morbilidad pa malesa cardiovascular, manera atake cardiaco of accidente cerebrovascular(stroke).
Hisa peso pisa por yudabo mitiga Osteoporosis.
Tambe e ta contraresta e efectonan di sarcopenia, un perdida progresivo di masa muscular cu hopi biaha ta cuminsa den bo 30 of 40 aña den individuonan mas sedentario.
E entrenamento di resistencia ta evita sarcopenia door di crea microtears den e musculo, cu ta conduci na fusion di fibra muscular cu ta crea mas masa, Monica Ciolino, doctora den fisioterapia di Washington University Physicians, ta splica.
Entrenamento di forsa tambe ta yuda baha e riesgo di desaroya diabetes tipo 2 y por yuda controla e malesa.
“Nivelnan abou di funcion muscular ta asocia cu un riesgo mas halto tanto di malesa como di mortalidad prematuro”, Jeremy Loenneke, profesor asosia di ciensia di ehersisio na Universidat di Mississippi, a splica.
Training cu peso tambe por ta util cu e metanan di control di peso, ya cu hisa peso ta mehora metabolismo y pasobra e tejido muscular ta kima dos biaha mas caloria cu e tejido vet, asta ora e curpa ta den sosiego.