Tanki Leendert: Diabierna den oranan di mainta lo a tuma luga un caso di Road rage den cual supuestamente un chauffeur lo a saca arma pa un otro chauffeur. Esaki pa motibo di un cuenta di dunamento di preferencia, E personanan cu a mira e chauffeur saca e arma mesora lo a bati alarma. Hopi lihe polis a mobilisa den e area di Tanki leendert y a cuminsa cu un buskeda pa e chauffeur cu probablemente lo a saca e arma di candela.
Segun testigo, e chauffeur cu lo a saca e arma di candela a drenta den cura di un cas na Tanki Leendert,cu ta keda un poco pazuid di Tur Dia Supermarket. Mesora varios unidad di polis a presenta dilanti di e cas y a cuminsa busca, pero no a topa cu e chauffeur cu lo supuestamente lo tabata tin un arma di candela den su poder.
