Den luna di april un grupo di mucha den comunidad di Pos Chikito y Sabana Basora a haya 4 workshop tocante arte recicla. E grupo di mucha entre 9 pa 12 aña a logra traha un dreamcatcher consistiendo di klechi di cama, waya di hero y caha di carton y un tas di nan mesun jeans cu nan no ta uza mas. Den apenas 10 ora di les nan a diseña y traha 2 obra. E workshop a wordo duna door di Indra Stamper cu tin su proyecto cu e nomber Beauty of Recycle Art. Banda di e grupo di mucha, Indra a duna workshop tambe na e clientenan di Huize Maristella. Akinan e clientanan a cera conoci cu e palabra recicla y banda di crea tas y pinturanan nan a canta y baila.
E proyecto tabata bou di encargo di Fundacion Pulso cu tin como un di su metanan pa stimula artistanan pa bira entrepreneurs y pa trece arte cerca esnan cu no tin acceso facil. Sea ta pa motibo social, financiero of simplemente pa falta di transporte. Danki na UNOCA cu a financia e proyecto, un grupo di 42 mucha y grandinan por a crea y aprecia arte na un manera accesibel bou di e guia caluroso di Indra. Un danki ta bay na meneer Kelly di Colegio Santa Famia, cu a kere den e proyecto y na juffrouw Orchaira di Colegio Santa Famia cu tabata tey na e workshops. Na e mayornan cu a laga nan yiunan participa, nos kier gradici boso pa boso confiansa. Danki tambe na SABA y principalmente Huize Maristella na Savaneta cu a acepta Indra y e proyecto cu brasa habri. Ta keda fundacion pa gradici Indra pa su energia contagiosio y su pasenshi. Pa mas informacion tocante Fundacion Pulso por tuma contaco via nos email [email protected].