Frankrijkstraat/Italiëstraat – Diabierna merdia polis mester a bay atende un accidente di trafico, entre auto y scooter.
E accidente mes a sosode ariba e crudada cerca di Ibisa.
Na yegada agentenan a topa cu un Hyundai Getz y un Scooter, mientras e motociclista mes tawata ariba caminda drumi kehando di dolor.
Mesora algun persona cerca, a sali yuda dunando un poco sombra di e solo cayente y e caminda tambe cu den e oranan ey ta super cayente. Por a mira cu mayoria golpi tawata na pia.
Ambulance tawata necesario na e sitio. Na yegada e Paramediconan a prepara e motociclista pa hib’e Hospitaal, unda e lo ricibi tratamento mes avansa.
Manera por mira ariba e imagennan, ta trata di un accidente unda no a duna preferencia. Polis di trafico tambe a presenta pa tuma datos.
