Oranjestad, Aruba — 3 di April 2024 — E Grupo di Wilhelminastraat, ta un grupo di interes funda pa esnan cu tin inversion den wilhelminastraat, un colectivo di empresario progresivo na Aruba, cu ta reconose e contribucion significante di Sr. Geoffrey Wever, Minister di Asuntonan Economico, Comunicacion y Desaroyo Sostenibel, pa e desaroyo continuo y revitalisacion di Oranjestad. E iniciativanan strategico di Ministro Wever ta cardinal den catalisa desaroyo economico y sostenibel den centro di ciudad, cu Wilhelminastraat sirbiendo como un ehempel primario di e transformacion positivo aki.
Bao guia di Ministro Wever, Oranjestad a experiencia un oleada di inversion projectonan y crecemento, particularmente den areanan manera Wilhelminastraat cu ta esencial pa e herencia, cultura y prosperidad di centro di ciudad. Su esfuerso pa crea un ambiente positivo pa inversionista local y internacional no solamente a revitalisa e caya historico aki, pero tambe a establece un precedente pa desaroyo urbano na Aruba.
E Grupo di Wilhelminastraat ta ansioso pa continua e sinergia entre e vision di Minister Wever pa Oranjestad y nan mision pa restaura y mehora Wilhelminastraat. E colaboracion aki a resulta den mehoracion tangibel den e area, señalando un futuro briyante pa e paisahe economico di e ciudad y bienestar di su comunidad.
Cu mira pa futuro, e grupo di Wilhelminastraat ta prepara pa sigui traha huntu cu gobierno y otro instancia pa promove avance di Oranjestad. Inspira pa e liderasgo di Minister Wever, e grupo lo keda dedica y sigui contribui na e revitalisacion di Oranjestad pa medio di inversion strategico y iniciativanan cu enfoke riba comunidad.
Tocante Grupo di Wilhelminastraat:
E Grupo di Wilhelminastraat ta un grupo di interes funda pa esnan cu tin inversion den wilhelminastraat y cu ta dispuesto pa colabora cu sector publico pa realisa e meta nan pa desaroya y embeyece Wihelminastraat por medio di inversion strategico cu ta beneficia e comunidad y conserva e rikesa cultural di e area.
Wilhelminastraat Investors Group Aruba