278
Avenida Nelson O.Oduber – Diadomingo mainta rond di 11’or polis a bay ariba Avenida Nelson O.Oduber pa un auto cu a bolter.
Na yegada polisnan a haya un Honda Fit pariba di caminda, esta e parti pabou cu ta bay pa Playa.
E chauffeur na prome instante a bisa polis cu e lo a pega soño, locual a pone baha caminda y bay bolter pariba di caminda.
Na prome instante e tawata “ok”, pero despues di un rato e lo a cuminsa sinti malo y ambulance tawata necesario.
Ambulance lamentablemente a tarda bastante, y na yegada e chauffeur a wordo hiba Hospitaal, unda lo tin un miho control ariba dje.
