Kudawecha – Diasabra merdia den careda di 1’or polis y ambulance a sali cu urgencia pa Kudawecha, unda a sosode un accidente serio entre dos auto.
Na yegada polis a bin topa cu e accidente poco mas pabou di e veld di Kudawecha.
Tawata trata di un Nissan Cube y un Hyundai accent. Varios persona a resulta herida den e accidente aki, unda cu tawata tin mester di varios ambulance y tambe Rapidresponder pa por a yuda.
Na e sitio polis a controla un di e chauffeurnan y ta bin resulta cu ora a lage usa e Alco-Sensor esaki a surpasa e limite stipula. Eynan mes e la wordo deteni.
Ambos vehiculo a sufri bastante daño material, unda cu e Hyundai debi na e impacto a bay dal contra un cura di cas kibrando e meter di awa.
E caminda aki di Kudawecha ta uno cu unda hopi accidente serio a tuma luga y tambe cu finalnan fatal.
