Aruba Masha danki di curason
Celebracion di 25 aña di servicio cultural
Jhon Freddy T. Montoya.
1998- 2023. 25 aña como Maestro di arte y teatro Instituto di Cultura Aruba. ICA- DCA.
16 di februari 2004- 2024. 20 aña como empleado publico na servicio di Departamento di Cultura Aruba.
Ya caba ta 25 aña cu mi a haya e grandioso oportunidad aki di por cuminsa desaroya mi mes profecionalmente riba nos paraiso stima cu nos ta yama Aruba.
Mi ta sumamente agradecido cu tur persona cu a forma parti di e trayecto maraviyoso aki di mi bida profesional y cu di curason awe mi ta afirma cu mi ta sinti mi masha honra cu boso por a permiti mi persona drenta den boso cas, pa mi por brinda tur cos positivo cu tin den mi ser creativo, sensitivo y inspira.
Mi ta sinti mi feliz di por comparti tur mi experiencia y sabiduria acumula pa tanto aña di studio y di profesionalismo y di por comparti tur esaki cu tanto placer cu nos pais Aruba den asina tanto proyecto di arte y cultura cu a keda registra exitosamente den pasado y cu a ser alcansa cu boso grandioso exfuerso y trabao den ekipo pa nos por logra haci cosnan grandi y poderoso pa nos baranca y permiti nos mes cu tanto exfuerso y responsabilidad pa tur soño bira realidad.
Hopi aprecio y gratitud pa e isla di mi bida y e prenda di mi alma; mi ta sinti mi hopi privilegia di por forma parti di boso grandioso famia.
Despues di mira atras, mi por bisa y confirma cu a bal la pena tanto lucha y sacrificio.
Masha danki di curason na tur persona, director, ex-directornan, coleganan y ex-coleganan di mi trabao pa kere den mi talento y capacidad, ta hopi loke mi a siña di boso.
Danki na tur fundacion, organisacion, scol, alumno, maestro, artista, etc; cu ya caba pa 25 aña mi ta trahando man den man cu asina tanto amor y dedicacion pa brinda den conhunto un bon servicio y duna un empuhe na nos cultura en general pa yuda engrandece, eleva y aporta na e desaroyo positivo di nos comunidad.
Mi ta sinti mi mes hopi bendiciona di por a conta y sigui conta cu boso sosten, baloracion y Amistad incondicional.
Tambe mi kier manifesta cu mi ta hopi agradecido cu e famia Arubiano cu mi a sa di adapta y haci parti di mi sistema y cu a forma den mi un aprecio real pa e folklore, cultura y tradicion di un pais cu mi ta carga den mi alma y mi ser ilumina.
Imposibel pa lubida tur amigo y trabaonan den cooperacion cu a forma parti di tur logro conkista y cu a brinda mi tur guia y consehonan pa mi persona por ta, tur loke mi ta awo y cu mi por mira atras tur realisa y bendiciona.
Danki na Dios pa mi talento, danki na mi formacion alcansa na Colombia y sacrificio di mi famia. Danki Aruba pa boso amor, aceptacion y brasa fraternal. Mi ta aprecia.
danki pa habri asina tanto porta pa mi persona y pa brinda mi asina tanto oportunidad cu mi a tuma den mi man.
Hopi aprecio pa boso sosten, pasenshi y tambe pa boso coreccion, comprension y e bon consehonan duna.
Hopi bendicion pa boso tur di un forma special.
Di e manera aki mi ta manifesta bek mi compromiso pa cu nos pais stima, expresando cu mi ta sinti mi mas cu fortuna di por ta formando parti special di e gran famia Arubano cu di curason mi ta stima asina tanto, cu’n curason sincero, di un forma profundo, honesto y real.
“Pone e Arubiano na altura di su cultura y siñ’e conoce di otro. Hubert O. (Lio) Booi