317
Oranjestad – 09 di februari 2024 – Durante fin di siman Colegio San Antonio a participa den e Parada Escolar di Scolnan Secundario Oranjestad, marcando un tremendo clausura pa cu e celebracion di Carnaval 70.
Nos ta hopi contento di por a mira e entusiasmo di e studiantenan di Colegio San Antonio durante Carnaval 70 y asina tambe aportando na engrandecimiento di nos Carnaval.
Nos ta orguyoso di por a forma parti door di sostene e organizacion di e evento y mantene nos compromiso di sostene iniciativanan cu ta contribui na nos cultura.
Pabien na e organisadornan, maestronan, y mayornan cu a hunga un rol crucial pa realisa e exito di e evento aki.
