Kruisweg – Diahuebs anochi rond di 9’or algun unidad policial a bay den Kruisweg, cerca di warda di polis bieu situa den Wilhelminastraat pa un pelea.
Na prome instante testigonan a pensa cu un persona posiblemente a wordo hinca durante e pelea. E pelea tawata entre dos adicto.
Polisnan cu tawata cerca a yega basta lihe, y a nota cu e adicto supuestamente herida no a wordo hinca, pero si a ricibi golpi.
Polis a papia cu e adicto, cu a keda na meña y e la conta cu e otro persona mas grandi di estatura y di peso a bringa cu ne y a kita 150fls algun cos mas for di dje.
Segun e adicto lo ta su placa di onderstand. E la sigui bisa polis cu e ta sufri di curason y despues a cay sinta abou.
Poco mas pabou den Oranjestraat cerca unda antes tawata ex Interbank polis a topa cu e otro adicto y mesora a detene y pone den boei.
Agresor; cu a kita e 150fls
Locual muy probablemente a sosode ta cu e adicto lo debe droga y mester paga, y pa nos pone cortico “nan” a bin cobr’e !
A pidi pa transportwagen cu lo hiba e agresor warda y eynan un Sub Fiscal lo dicidi locual lo sosode cu ne.
