Jaburibari – Diaranson birando anochi unidadnan di rescate y polis a sali pa Jaburibari, pa ta exacto altura di e Stichting Thuiszorg Aruba. Eynan un auto a bolter y e persona a keda pega den e auto.
Na yegada di autoridad, nan a topa memey caminda un Suzuki Vitara ariba su banda y den dje un persona pega.
Bomberonan cu a yega a sigui protocol y a bay over na saca e persona y pas’e over pa Paramediconan.
Caminda di Jaburibari a stagna pa algun rato, polisnan mester a cera ambos banda desviando trafico.
Polis di trafico a conduci e investigacion y mester bisa cu esaki a dura algun rato, prome cu nan a habri caminda bek.
Pa locual ta e victima, Paramediconan a transport’e cu urgencia pa Hospitaal.
E accidente lo a sosode; posiblemente door di velocidad halto y no tin conocemento di e caminda, o sea e verkeers plateau nan.
