Home » World Health Organization; E-cigarette y su peligernan

World Health Organization; E-cigarette y su peligernan

by Admin
0 comment 90 views

“Tin hopi diferente tipo di sigaria electronico[e-cigarette], cu ta e tipo mas comun di sistema electronico pa entrega di nicotina (ENDS) y sistema electronico pa entrega di no-nicotina (ENNDS). E sistema nan aki ta kibra un likido pa crea aerosol cu ta wordo inhala pa e usuario. E likidonan aki yama e-liquid por si of no contene nicotina (pero no contene tabaco).

Tambe tipicamente nan ta contene aditivonan, sabornan y substancianan kimico cu por ta dañino pa salud di hende. E-sigaria ta parti di categoria mas amplio di productonan di ENDS y ENNDS, cu ta inclui productonan manera e-cigars y tambe pipa electronico.

WHO ta preocupa cu e productonan aki ta wordo permiti den mercado liber como productonan di consumidor y ta wordo promovi agresivamente bou e hobennan.

Actualmente, 88 pais no tin edad minimo na cual e-cigarette nan por wordo cumpra y 74 pais no tin regulacion pa e productonan perhudicial aki. E-cigarette ta target muchanan door di medio di social media y influencernan, cu por tin na mes momento 16,000 sabornan atractivo. Algun di e productonan aki ta usa personahenan di cartoon y tin diseñonan smooth, cu ta atractivo pa e generacion hoben. Algun di nan tin apariencia manera coy hunga. Tin un aumento alarmante den uso di e-cigarette entre mucha y hobennan, cu ta surpasa e uso bou adultonan den hopi pais.

Incluso e breve propagandanan di e contenido di e-cigarette ariba social media ta asocia cu intencion mayor pa usa e productonan aki, manera tambe actitudnan mas positivo pa cu e-cigarette.”

ENDS ( Electronic Nicotine Delivery System) ta contene diferente cantidad di Nicotina y ta saca emisionnan peligroso.

Contacto accidental di un criatura cu e likido ENDS ta sumamente peligroso, si e mucha yega na guli e likido venenoso aki lo por ta fatal pe.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio