Bloemond – Diaranson mainta rond di 11’or y mey polis, ambulance y tambe un unidad di brandweer a sali direccion Bloemond, pa un auto cu a bolter.
E motibo cu tur e unidadnan a sali tawata cu a wordo papia cu chauffeur di un di vehiculonan den e accidente a keda pega den auto, despues cu e la bolter.
Na yegada, habitantenan mes a logra habri e parti patras di e Mitsubishi rh y asina e chauffeur a sali di su mes. Por a mira cu e la ricibi rasca na su brasa, pero voor de rest e tawata bon.
Na yegada di unidadnan, no tawata mucho cos cu mester a wordo haci, e chauffeur herida mes lo a cana bay den ambulance.
Na e sitio nos a papia brevemente cu e otro chauffeur di un Kia Optima y e la bisa nos cu e Mitsubishi tawata biniendo cu velocidad halto y asina mes cu e la trata na evita e impacto e auto a dal e parti links dilanti y despues bolter.
E chauffeur di e Kia a sinti su nek tambe cu e la yega di opera y por a mira e marca di e operacion.
Mester bisa cu e caminda aki di Bloemond pa Sero Lopez no mester core duro, ta un caminda hopi smal, pues tene cuenta.
E caminda a keda cera basta rato pa polis di trafico haci su trabou y tambe despues takelwagen bolter e Mitsubishi y bay cu ne.
