Santa Cruz – Diasabra marduga polis y despues tambe ambulance a bay den e bocht peligroso cu ta drenta Santa Cruz via Piedra Plat.
Eynan dos auto a dal den otro y lo tawata tin un persona herida, den un di e vehiculonan.
Na yegada di polis nan ta topa cu un Chevrolet Vivant y Honda Odyssey.
Mayoria accidente den e bocht ta sosode momento cu un di e vehiculonan ta hala mucho na su banda robes, causando cu e otro vehiculo coriendo bon no por haci mucho y ta wordo gedal.
Na e sitio, polis a constata cu chauffeur di e Vivant fuera di tawata bou influencia e no por a mustra algun documento.
Eynan mes e la wordo deteni y hiba warda den e patruya di polis mes.
Paramediconan cu a yega e sitio a atende e cabayero di e Honda na e sitio mes.
Takelwagen mester a presenta pa move e autonan, door di e daño material nan no por a move ariba nan mesun forsa.
