Aruba Bank ta anuncia su empleado superior

Oranjestad –  Tamara Fingal ta nos empleado superior pa november 2023. Tamara a demostra dedicacion y su iniciativa pa bai e extra miya ta destaca, logrando asina e reconocemento aki.

Su esfuersonan extraordinario den e realisacion exitoso di Summit 2023 ta un motibo pa ricibi e reconocemento aki. Tamara su habilidad organisativo excepcional a conduci na crea un Summit cu a supera nos expectativa. Su habilidad pa organisa un evento profesional y informativo a causa un impacto grandi, contribuyendo significantemente na e exito di e evento. Nos ta felicita Tamara pa su logronan remarcable y pa su contribucion significante na e exito di Summit 2023.

Pabien Tamara y danki pa bo tremendo contribucion!