Dama herida; den accidente na Catiri

Catiri – Diadomingo anochi 8’or y mey pasa polis y ambulance a bay cu urgencia e bocht di Catiri, conoci pa accidente di trafico.

Na yegada di polis ta topa dos auto, un Kia Rio y un Hyundai Santa Fe. Esaki tawata na e crusada den e bocht. Segun informacion, e Santa Fe bayendo nort posiblemente a slip y kita bay na su man robes debi cu e caminda tawata muha y dal e Kia .

Den e accidente un dama a resulta herida herida, posiblemente debi na mesun seat belt.
Caminda a wordo cera ambos banda.

Paramediconan cu a yega a mesora a bay atende cu e dama y asina transport’e pa Hospitaal.
Polis di trafico den casonan unda tin hende herida a presenta tambe.