Un hoben di New Mexico a topa cu 135.000 dollar cash ariba vloer y inmediatamente a yama autoridadnan pa entrega esaki.
E placa aki a wordo laga pa un subcontratista di Wells Fargo cu tabata responsabel pa yena e ATM mashinnan. Segun fuentenan, e trahador a laga e placa accidentalmente sin ripara.
José Nuñez Romaniz a wordo recompensa c’un check di 500 dollar, un ‘gift card’ di un restaurant local, entradanan pa e weganan di futbol di Lobos di Universidad di New Mexico y un bala firma pa e defensa di Bears di Chicago, Brian Urlacher.
Den un declaracion José a bisa, “Mi a haci e cos corecto y mi sa cu mi mayornan ta orguyoso y tambe mi famia”.
E caso aki ta mustra cu e personanan honesto ainda ta existi y cu nan actonan ta forma nan karakter. Autoridadnan y comunidad ta feliz di mira cu tin hende manera José cu ta dispuesto pa haci e cosnan corecto, contribuyendo na un sociedad mas etico y solidario.