Caya Apolonio Werleman/ Kas Ariba – Diaranson anochi algo pasa di 8’or y mey polis a bay cu urgencia un t-kruising ariba Caya Apolonio Werleman, pa un accidente entre auto cu brommer.
Na yegada polis ta tuma nota cu tawata trata di un accidente serio, mirando cu e hoben motociclista a ricibi tur e golpi na su cabes y tawata bayendo for di tino.
Na e sitio por a nota cu e pick un Chevrolet S10 maneha pa un cabayero di edad, posiblemente no a mira e brommer y a bay bira na su man robes.
Aki ta unda e brommer a drenta bou di e parti dilanti di e pickup, causando hopi e hoben a ricibi golpinan fuerte na cabes.
Dos unidad di ambulance a yega e sitio, y asina por a mira un grupo di Paramediconan prepara e hoben pa transport’e cu urgencia pa Hospitaal.
Polis di trafico na e sitio a haci su investigacion y den un rato por a habri e caminda bek.
