Shiribana – Dialuna anochi algo prome cu 8’or y mey ta sosode un accidente serio dilanti Subway(Paradera). Un patruya cerca di e accidente ta dirigi su mes mesora pa e sitio.
Na yegada nan a topa cu un Ford Fusion memey caminda y un banda pa pazuid un Suzuki Swift pega contra un cura di cas.
Chauffeur di e Swift a keda pega den e auto, debi cu e auto ta RHD e porta a pega y a resulta herida.
Con e accidente a sosode
Nos a papia cu chauffeur di e Ford y e la conta nos cu e tawata bayendo pariba y e Swift tawata bayendo pabou cu velocidad halto.
Dado momento eSwift a hay’e ta kita bay na su man robes debi cu un auto a bay pa drenta e parkeerplaats di Subway y pa e no dal den dje e la hala.
Den e maniobra e ta dal e Ford dilanti banda drechi y ta sigui bay y termina contra cura di un cas.
Brandweer a yega e sitio pa yuda Paramediconan saca e chauffeur y pone den ambulance.
Caminda parti pabou a keda cera un rato pa e trabounan y tambe pa por a hala e Ford for di caminda.
