Watty Vos Boulevard -Diabierna den oranan di merdia pasa di 12’or y mey, polis a cera rotonde di Ponton cu ta bay pa Bushiri debi na un accidente di trafico.
E accidente mes a sosode hopi mas pabou ariba e boulevard.
Locual a sosode
Ariba e caminda un rato prome un Toyota Tercel lo a haya problema cu un tire y tambe lo tawata tin su Hazzard Lights cendi.
Algun rato despues, e Honda CRV tawata acercando y aparentemente no a nota e Tercel na ora.
E dama na stuur di e Honda asina mes na ultimo lo a trata na maniabra pa evita un chok’e, pero no ta logra esaki.
Su auto, esta e Honda a dal contra parti di e Tercel y despues a kita bay dal contra e blokinan cu ta separa e boulevard causando bastante daño.
Varios unidad di Ambulance a presenta, pa bay cu ambos ocupante di e vehiculonan envolvi.
Polis di trafico a presenta y tambe un team cu ta encarga cu WVB a presenta, e ultimo ta pa piki e blokinan cu a bay spart e otro banda di caminda.
Daño material ta considerabel.
Nota: Si bo yega na haya problema cu bo auto ariba caminda/nan peligroso unda autonan ta core cu velocidad halto, baha for di bo auto y para un poco leu te ora bo takelwagen/road service yega. E por scapa bo bida.
