Kibaima – Diabierna anochi rond di 8’or polis a bay panort den e bocht di rotonde di Balashi, direccion Kibaima.
Eynan segun informacion, un auto a accidenta y algun persona tawata na e vehiculo yudando nan “amigo”.
Mesora polis a bay e dicho luga, pa si acaso nan lo kier bandona e sitio.
Na yegada di polis, a resulta cu tawata trata di solamente un vehiculo un Suzuki Grand Vitara.
E chauffeur nan lo a pone sinta den un otro auto.
Polis a constata cu e chauffeur a dal su cabes y tawata visiblemente “zonza”. Pa e motibo aki tambe agentenan a solicita pa un Ambulance.
Despues di un rato Ambulance a presenta y Paramediconan a yuda e chauffeur cana bay direccion di e Ambulance pa ricibi atencion medico.
Polis mester a guia trafico, mirando cu e incidente a sosode den un bocht.
