Dama a resulta levemente herida, despues di accidente na Tanki Leendert

Tanki Leendert – Diabierna merdia pa mas o menos 2:45 ambulance y polis a bay pazuid di rotonde Tanki Leendert cu ta conecta cu Kamerlingh Onnesstraat.

Eynan a sosode un accidente unda cu un persona lo a resulta herida.

Polis di trafico cu a presenta despues di e ambulance a haya un Ford Mustung y un Suzuki Baleno ariba caminda.

Paramediconan cu tawata prome na e sitio a cuminsa atende cu e dama chauffeur di e Suzuki, cu a resulta levemente herida.

Falta di preferencia tawata causa di e accidente.

Pa locual ta e dama herida, por a mira cu e la baha y cu ayudo di e Paramediconan e la subi e ambulance pa por wordo atendi.

Daño material no tawata grandi.