Noord – Diaranson durante dia e team investigativo di Cuerpo Policial a localisa un vehiculo color blauw.
Tawata trata di un Mitsubishi Galant.
Ariba e vehiculo por a nota cu e plachi di number no tawata tey.
Den oranan laat di atardi, nos por a confirma oficialmente cu e vehiculo aki tin di e haber cu e homber haya sin bida ariba Bispo di Pasco, esta Sergio Maduro.
E investigacion ta siguiendo y pa buena marcha y pa no stroba nada, no por bisa si ta trata di auto di e Maduro of di un sospechoso di e caso aki.
Ta mustra cu autoridad ta ariba un bon pista cu e auto aki, unda lo bay rista esaki rigorosamente pa e detaye di mas chikito cu lo por haya. Takelwagen a bay cu e auto pa mas investigacion.
Esaki sin conta e camaranan di siguridad cu a instala ariba caya na diferente puntonan strategico, cu lo bay revisa esakinan y yega mas cerca na kiko a pasa Sergio Maduro(44).
