Piedra Plat – Pasco anochi algo prome cu 10’or y mey polis y tambe ambulance a wordo manda un poco pabou di e brug di Piedra Plat, pa un accidente cu hende herida.
Na yegada polis ta topa cu un Toyota Yaris, benta pazuid di caminda, contra algun baranca.
E otro vehiculo a bandona e sitio, tumando direccion Santa Cruz.
Segun testigonan na e sitio, lo tawata parse un Nissan Cube.
Na yegada di Paramediconan; nan a opta pa solicita pa ayudo di brandweer pa saca e dama herida, cu tawata e pasahero dilanti.
E dama a ricibi golpi na cara y lo tawata sangra.
Na yegada di brandweer, nan a drenta accion kitando dos porta di e Yaris pa libera e dama y pas’e over pa Paramediconan, unda cu nan a hib’e Hospitaal.
Polis di trafico na e sitio a opta pa departamento tecnico di polis presenta, pa haci nan parti di saca potretnan necesario.
Caminda a keda cera pa basta rato pa investigacion.
