Luxemburgstraat – Diabierna anochi polis a bay den Luxemburgstraat, unda cu un auto a dal contra un cura di cas y esnan aden a sali bay laga e vehiculo.
Na e sitio polis a constata cu lo ta trata di un auto horta, debi unda e yabi mester bay ta kibra.
Tawata trata di un Kia Rio, cu aparentemente a wordo horta marduga y por a lesa ariba Social Media cu e doño ta pidi pa haya nan auto bek.
Habitantenan di e unda e incidente a pasa a splica polis algun cos, y basa ariba e simpel tipnan ey un rato despues a bin topa 3 persona hoben y a huy den un auto color cora.
Esaki nan tawata den area di Bushiri. Agentenan mesora a hinca e puzzel den otro y a detene tur sospecha di ladronicia di auto.
Mientrastanto Joy Riding Team a tuma e caso over, pa asina haci un investigacion rigoroso, unda cu departamento tecnico tambe a wordo pidi.
Pues tur 3 hoben a wordo deteni y transporta pa warda, unda cu e team di joyriding lo trata cu nan.
Mester remarca cu ladronicia di auto a lanta cabes atrobe.
