Bushiri Complex – Diabierna anochi despues di e detencion di e tres hobennan sospecha di ladronicia di auto, recherchenan di joyriding team a tuma nota di un Nissan March color cora.
E auto aki a hala atencion mesora di e agentenan, cu lo a duna e auto un señal pa para, pero esaki no a cumpli cu e ordo y a hisa velocidad.
A start un persecusion cortico, cu a termina ariba parkeerplaats di e flatnan na Bushiri. Den e auto tawata tin dos dama, ambos a keda deteni.
Posiblemente e vehiculo aki tawata esuna cu a wordo usa pa yuda e tres hobennan di e Kia Rio horta bay di e sitio(Luxemburgstraat).
E bay tambe na rista e March y lo a bin topa cu cosnan ilicito, esta droga.
Ambos dama a wordo hiba den transportwagen pa warda di Playa.
Takelwagen mester a yega pa bay cu e Nissan March tambe pa mas investigacion.
