Por medio di es comunicado aki DTI kier duna información na e pueblo di Aruba encuanto e procedura pa keur vehiculonan di motor.
DTI ta haci su keuring abase di e requisitonan cu tin den “Landsbesluit Voorschriften Voertuigen” (AB 1999 no. 61,)
Pa locual ta trata e parti di seguridad ta importante y esencial pa e vehiculo ta cumpli cu e requisitonan.
E ta hopi importante pa keur bo vehiculo di motor, pa motibo cu esaki ta un chekeo pa cu e condición di e vehiculo y ta hisa e seguridad di e usuario cu por ta bo mes, di bo famia,bo trahador of un turista cu ta di bishita na Aruba.
DTI ta sugeri pa keur e vehiculonan pa evita desgracianan innecesario, evita boetnan of gastonan halto .
Pa locual ta trata e dianan di fiesta DTI lo ta habri full december cu excepcion di e dianan oficial di fiesta cual ta 25-26 december 2023 y 1-2 januari 2024
DTI lo ta habri 27-28-29 december 2023 y 3 januari 2024 nos lo habri bek pa publico.
Pa traha cita (Afspraak).
Orario pa traha cita ta di 7:45 pa 11:30 y di 13:00 pa 15:30.
Keuring di vehiculo di motor ta di dialuna pa diabierna di 7:30 pa 12:00 y di 13:00 pa 16:00.
Pa traha un cita mester presenta personalmente na DTI su kantoor sitúa na Barcadera 153, conhunto cu e documentonan necesario y ta haci e pago dibiaha.
Mester trece e siguiente documentonan y informacion pa traha cita:
- Registratie formulier DIMP (esaki no ta e comprobante di pago)
- seguro valido,
- Si ta trata di un vehiculo cu ta ser uza pa transporte publico mester presenta cu e vergunning valido of un carta di DTP cu esaki ta den proceso.
Keuring di e vehiculo.
Riba dia di cita di keuring tin cu presenta na balie paden di keuringshal cu e siguiente documentonan:
Comprobante di e cita,
Keuringsbewijs bieu (si e vehiculo a yega di keur caba),
Registratie formulier di DIMP y
Comprobante di seguro valido.
Si e vehiculo wordo goedgekeurd e ta ricibi un sticker di cual ta wordo geplak ariba e windshield y ta ricibi e keuringsbewijs.
Si acaso ariba e dia di keuring e vehiculo wordo afgekeurd y e ta algo reparabel e oportunidad ta wordo duna pa dentro di 30 dia regla esaki y bin bek DTI (esaki nos ta jama un herkeuring).
Ki ora bo mester keur bo auto?
Si bo a cumpra un vehiculo nobo di fabrica pa uzo personal bo tin cu añadi 3 aña ariba e bouwjaar y es aña ey bo persona lo tin cu keur bo vehiculo pa prome biaha.
Por ehempel es aña aki e vehiculonan pa uzo personal cu bouwjaar 2021 lo mester bin keur pa prome biaha.
Despues di e prome biaha e vehiculo di motor pa uzo personal mester wordo gekeurd cada 2 aña.
Pa transporte publico (personenvervoer) ta conta otro duracion:
Vehiculonan cu uzo como autobus, bus, taxi, tour-operators (T-O) etc, tin cu keur cada aña y e vehiculonan nobonan prome cu nan subi caminda nan lo mester keur esakinan. Den caso cu si nan a haci cambionan na e vehiculo of tabata den un accidente lo tin cu bin pa keur esakinan un bez mas prome cu haci uzo di nan ariba carretera.
Pa vehiculonan di compañia (bedrijfsauto’s), trucks, pickup tin cu keur cada 1 aña.
Keuring ta tuma lugar conforme requisitonan di Landsbesluit voorschriften voertuigen (AB 1999 nr. 61). Por haci un peticion na DTI pa ricibi e requisitonan conforme e ley.
Na email [email protected]. Por contact telefonicamente na Tel: 5845300.
DTI ta desea e pueblo di Aruba un Bon Pasco y un feliz aña 2024 yen di dicha, amor y paz.