Awe nos ta bai papia tocante combinacion di alcohol cu remedi.
Alcohol ta un substancia cu pa hopi hende no por falta den dianan di fiesta. Na mesun momento, remedi ta pa cierto personan esencial pa maneha diferente condicion di salud, ofreciendo alivio y mehoracion den calidad di bida. Sinembargo, e consecuencianan por ta mas compleho cu un simpel confrontacion di substancianan ora nan ta wordo combina, specialmente pa esnan cu ta uza remedi sensitivo of ta den un estado di salud fragil.
Factornan manera presion social, falta di conocimiento of e pensamento cu un glas di biña no lo haci daño ta contribui na e combinacion di alcohol cu remedi.
Uzando alcohol conhuntamente cu remedi por tin consequencianan severo. Algun remedi y un glas di biña por tin riesgonan minimo, pero pa otronan, e interacion por trece reaccion adverso y por hasta trece situacion cu por ta fatal.