Savaneta – Diabierna anochi den careda di 7’or y 10 polis y tambe ambulance a bay ariba caminda principal di Savaneta pa San Nicolas, unda cu dos persona a wordo alcanza pa un auto.
Na yegada di polis, nan a bin topa cu un pareha di edad seriamente herida ariba caminda.
Ta pidi ambulance cu maximo urgencia, mirando e situacion di ambos. E homber(75) tawata esun mas serio e no tawata reacciona e momento ey. Pero, na yegada di Paramediconan nan a logra stabilise y sali cu urgencia direccion Hospitaal.
Su esposa tambe tawata herida, cu un kap grandi na cabes.
Departamentonan concerni a wordo poni na altura pa cuminsa e investigacion.
Caminda a wordo cera altura di e gasstation na Savaneta.
Informacion oficial cu nos ta dispone di dje ta indica cu e cabayero turista su situacion ta critico.
