Oranjestad – 16 di november 2023 – Aruba Bank, un institucion financiero lider cu ta dedica na bienestar di comunidad, ta contento di por a patrocina “Happy Parents Happy Children Conference” organisa pa Piso Tres Aruba. E evento a tuma luga dia 14 y 15 di november na Cas di Cultura, y tabata enfoca riba topiconan esencial pa mayornan di baby y mucha chiquito como tambe adoloscentenan chiquito y teenagers tambe.
E conferencia a brinda un plataforma pa mayornan participa cu oradornan experto, educadornan, y profesionalnan den sesionnan interactivo cu tin como meta mehora e habilidadnan di mayornan y promove dinamica familiar. E compromiso di Aruba Bank pa sostene iniciativanan di comunidad ta alinea perfectamente cu e mision di e conferencia pa fortifica mayornan cu conocemento y recursonan pa orienta nan den e diferente etapanan di bida di nan yunan.
Aruba Bank ta orguyoso di contribui na eventonan manera e “Happy Parents Happy Children Conference”, cu ta impulsa y reforsa famianan den nos comunidad.