Home » Ban Pariba! y Pasa Pret cu Rotaract Un evento pa celebra derecho di nos muchanan

Ban Pariba! y Pasa Pret cu Rotaract Un evento pa celebra derecho di nos muchanan

by Admin
0 comment 210 views

Rotaract Club of Aruba ta contento y orguyoso di por presenta e di 10 edicion di e evento anual tan gusta cual ta “Pasa Pret cu Rotaract”. Dia 19 di November di 10or mainta pa 2or di atardi, Rotaract Club of Aruba lo ta organisando e evento aki pa mucha. E aña aki e club a organisa e evento cu e tema “Ban Pariba! y Pasa Pret cu Rotaract” caminda cu lo tin diferente weganan pa mucha tumando lugar. Banda di e weganan aki tambe lo tin stand cu cuminda, bebida y lo tin animacion y entretenimento pa tur e chikitin nan. Entrada ta completamente GRATIS!

E evento aki, manera e edicionnan anterior, ta pa celebra dia internacional di derecho di mucha. Pa prome biaha nos lo ta hibando e evento aki pa districto di San Nicolas. Asina aki nos a escohe YMCA San Nicolas pa asina tene e evento aki. Na yegada di YMCA San Nicolas, tur mucha lo ricibi un paspoort cual nan lo huza durante nan dia. Na cada actividad cu e mucha participa den dje, e lo haña un stempel den su paspoort.

Rotaract Club of Aruba kier gradici CMB NV pa a kere den e projecto y e anja aki lo ta sponsor pa haci e evento aki uno exitoso un bes mas. E evento aki pa nos mucha nan no lo ta posibel sin boso.
Muchanan ta nos futuro, proteha y reconoce nan derecho nan semper lo ta nos prioridad. Rotaract Club of Aruba ta invita henter pueblo di Aruba y ta ansioso pa finalmente celebra e dia tan special aki den grandi cu boso tur. Nos ta spera di wak hopi mucha cu nan mayornan dia 19 di November di 10or mainta pa 2or di atardi na YMCA San Nicolas.
Rotaract Club of Aruba ta un organisacion pa hobennan entre e edad di 18 cu 35 aña cu ta parti di e famia di Rotary Club of Aruba. Rotaract Club of Aruba a wordo estableci na 1991 y desde principio ta organisa varios proyecto na bienestar di nos comunidad.
Pa mas informacion, Like y Follow e pagina di Facebook y Instagram di Rotaract Club of Aruba of subi nos website www.rotaractaruba.com.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio