Madiki – Diahuebs den oranan di atardi tanto polis y ambulance a bay altura di Centri di Bario Playa Pabou, un a sosode un accidente di trafico y lo tawata tin hende herida.
Na yegada di polis; ambulance tambe a presenta y mesora a bay atende cu un di e chauffeurnan envolvi.
Na e sitio Paramediconan a bay atende cu ne y por a nota cu mas tanto e lo pasa den un susto basta bon.
Na e sitio un Ford suv a bay cay den e greppel y parcialmente ariba caminda e otro vehiculo cu ta un pickup color cora a keda para.
LOCUAL A SOSODE
Ta parse cu e pickup color cora a bay lora pa drenta e caminda di tera net dilanti Centro di Bario; y pa un of otro motibo e Ford a bay pase na su man robes y ta cera brake lastra bay cay den e greppel na banda di caminda.
Paramediconan a atende na e sitio mes y sigur lo bay tin mester di Takelwagen pa saca e auto Ford.
