Oranjestad – Aruba Bank ta contento di por anuncia e exitoso conclusion di e Celebracion di Aprecio pa cliente. E evento tabata un demonstracion di gratitud y compromiso na e clientenan di Aruba Bank, ofreciendo un variedad di actividadnan interesante y sorpresanan durante algun siman.
E Celebracion di Aprecio pa cliente a inclui momento di sorpresa na cada sucursal cu un dushi treat. Aparte di esaki, e aña aki Aruba Bank a enfoca riba e parti educativo y a organisa 4 workshop cu topiconan cu a wordo escogi durante un encuesta.
E celebracion a enfoca riba expresa gratitud na e clientenan leal di Aruba Bank pa nan confiansa y sosten continuo.
Si acaso bo no a logra pa participa na e workshop nan por click aki,
- The Basics of Financial Planning https://youtu.be/eAtFl_sKJKA
- Improve your Financial Well-Being https://youtu.be/3qNLxydRG7w
- Financial Planning for Couples https://youtu.be/Q49RThhjsEY
- Retire in Peace https://youtu.be/7QGk3myP8kI
Nos ta contento cu un cantidad grandi di cliente a disfruta y participa na nos Celebracion di Aprecia pa cliente. Esaki ta nos compromiso pa brinda un experiencia bancario personalisa na cada cliente, y pa sigui sirbi comunidad cu excelencia y dedicacion.
Aruba Bank ta extende su gratitud di curason na tur cliente y coleganan cu a contribui na exito di e Celebracion di Aprecio pa cliente. Banco ta keda comprometi pa sostene su balornan fundamental.
