Sero Compa – Diasabra algo prome cu merdia polis a bay pura un adres na Sero Compa, unda un yiu homber lo a bira agresivo.
Segun nos a compronde; e mesun cabayero aki mas trempan den dia e lo a hay’e den un problema na Sabana Liber.
Aparentemente e lo tawata na Spoedeisende Hulp tambe y parse cu eynan tambe e persona aki a haci problema.
Despues di sali di Hospitaal pa su adres unda cu e lo ta biba, discusion a start entre e y su tata.
Lamentablemente prome cu e autoridad a presenta na e cas ya e la cende locual ta parse un Toyota Vitz color blauw na candela.
E vlamnan a crece den un rato, causando cu nan tawata yega e wayanan di coriente, Elmar mester a wordo avisa.
Brandweer na yegada mester a paga e candela cu a cuminsa parti dilanti di auto. Ta mustra cu e yiu a usa un jerrycan pa kima e auto.
Polis a detene eynan mes y cu transportwagen e la wordo hiba warda di polis na Macuarima.
Nos a compronde cu su tata no lo entrega niun keho contra su yiu homber.
No ta conoci si e yiu lo por ta sufri di un of otro problema mental.
