ORANJESTAD – Dialuna awor den Corte di Husticia di Aruba ta cuminsa cu e caso Flamingo. Ta asina cu un total di seis sospechoso lo mester presenta dilanti Hues dialuna 6 November 2023.
ARUBA NATIVE por a compronde cu e lo ta un regiezitting caminda Hues lo kier sa kico ta e deseo di e abogadonan. Despues cu caba di e parti aki lo bay fiha un fecha pa tratamento di e caso.
HUES DI HULANDA
Por a compronde cu un Hues di Hulanda lo ta na Aruba pa atende e caso aki. Esaki ta un procedura cu ta hibando na Corte di Husticia, pa asina mustra imparcialidad. Ta e mesun procedura aki a usa den e caso contra Paul Croes y Benny Sevinger.
DOS FISCAL
Ta asina cu dos Fiscal di Ministerio Publico lo ta presente pa tratamento di e caso
SEIS SOSPECHOSO
Tin 6 sospechoso y e promer ta Otmar Oduber, Eisia E, R Wever Croes, J Oduber, Laurence P y Gilberto T. Manera ta conoci, recien Ministerio Publico a informa cu a yega na un acuerdo di transaccion cu e sospechoso Hans Geerman pa e paga 125.280,13 florin.
REGIE ZITTING
Por a compronde cu dialuna awor lo no ta tratamento di e caso sino mas bien e Hues kier sa si tin deseo di parti di abogadonan pa haci cierto investigacionnan. Si e abogadonan tin deseonan di investigacion, e Fiscalnan lo reacciona riba esaki y finalmente Hues lo tuma un decision. Hopi biaha lo tuma algun dia pa Hues evalua y tuma un decision. Si Hues dicidi di honra peticion di investigacion, lo bay stipula fecha pa esaki ta cla. Despues lo topa atrobe den Corte pa mira si tur cos ta cla y e ora ey lo fiha un fecha pa tratamento di e caso.