Hoben a bira malo den parkeerplaats di un mall situa den area di high rise

J.E YRAUSQUIN BOULEVARD – Diabierna anochi polis y despues ambulance a bay den e parkeerplaats di un mall situa e high rise area.

Eynan un hoben lo a bira malo.

For di un testigo nos a compronde cu un persona lo a topa cu e hoben aki na e piso ariba, kiko e lo tawata haci eyriba no ta mucho duidelijk. E persona cu a topa e hoben lo a convence pa nan bay na e piso abou.

Unabes na e piso abou, e la haya un atake di epilepsia y e tawata tin mester di asistencia medico.

Paramediconan cu a yega na e sitio a logra calma e hoben y despues cu e tawata mas trankil a sali cu ne direccion Hospitaal.