Home » Mike Eman y van Dijk ta delibera riba futuro di Reino

Mike Eman y van Dijk ta delibera riba futuro di Reino

by Admin
0 comment 312 views

E candidato, Olger van Dijk, di e partido nobo di Hulanda NSC, recientemente funda dor di e miembro di Tweede Kamer di Hulanda, Pieter Omtzigt, a delibera cu mr. Mike Eman cu hopi interes pa Reino y un conocemento y interes hopi specifico pa Aruba.

Olger van Dijk tin un carera di servicio publico imprecionante cu un tempo hasta a trece na Aruba pa asesora y conseha mr. Mike Eman y e partido berde riba e tema di desaroya ideanan nobo con pa conecta desaroyo y crecemento (welvaart) di Aruba na e bienestar general (welzijn) di e pueblo di Aruba. E pensamento di e buskeda di e algemeen welzijn, e bon comun. Olger van Dijk y Mike Eman a conoce otro for di tempo di inicio di nan carera politico na 2005. E tempo ey van Dijk tabata fractieadviseur di CDA y Eman e recien lider nobo di partido AVP.

Na Den Haag Huland awe Eman, asesora e biaha aki pa un fractieadviseur di nos propio suelo, Wendrick Cicilia a topa atrobe cu Olger van Dijk pa delibera cu e mesun pasion riba e futuro di Aruba y Reino.

Olger van Dijk actualmente ta director di ‘Ruimtelijke Ontwikkeling” na Binnenlandse Zaken. Den su carera e a ocupa varios funcion importante y clave den Gobernacion Hulandes. E tabata consehoro di Cas Real, e fungi como kwartiermaker “Ruimte en leefomgeving” na Ministerio di Buitenlandse zaken. Desde 2017 te cu 2021 Olger tabata miembro di directiva di Democratie en Bestuur y tambe Chef di Kabinet di Minister. Olger van Dijk a studia Bestuurskunde y Tecnica Civil na Universidad di Twente.

Durante nan reunion Eman y van Dijk a delibera riba e proposicion di fraccion di AVP pa institui un Sociaal Cultureel Planbureau pa Aruba pa pone e temanan social economico tambe firmamente riba agenda. Eman a entrega e nota tambe “The Bigger Picture” cu ta duna e motivacion pa e SCPA.

Olger van Dijk a mustra cu como partido basa riba e concepto di un “nieuw social contract” e temanan socio economico di Aruba tin nan interes. E partido di Pieter Omzigt tin su vinculonan profundo den e filosofia Social Cristian y cu esey ta pone tambe e “gemeenschappelijk goed”, common good, e bon comun central.

Den su entrevisa Olger van Dijk na final di e reunion cu Mike Eman y Wendrick Cicilia a mustra tambe riba e relacion cu e tabata tin cu Aruba y Mike Eman, como consehero e tempo ey pa e programa di AVP riba e tereno di desaroyo di e plannan di spacionan publico. Olger van Dijk a expresa cu semper e a keda impreciona cu e vision di Mike Eman pa eleva calidad di bida na Aruba, pero tambe pa e relacionnan den Reino. Ambos dirigente politico cu nan fundeshi comun den e ideologia cristian democrata a acorda cu nan lo intensiva e contactonan pa sirbi e cohesion den Reino Hulandes.
,

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio