Home » Minister Endy Croes a atende e acto di despedida di nos gran baluarte den deporte di Aruba Sr. Jose Francisco “ Buchi Panama” Wever

Minister Endy Croes a atende e acto di despedida di nos gran baluarte den deporte di Aruba Sr. Jose Francisco “ Buchi Panama” Wever

by Admin
0 comment 235 views

ORANJESTD: Diabierna anochi, a tuma luga e acto di despedida di nos gran baluarte den deporte di Aruba, Sr. Jose Francisco Wever, miho conoci como Buchi Panama. Minister di Deporte Endy Croes hunto cu ex-Minister di Deporte Sr. Ramon Lee, baluarte den deporte di futbol Sr. Tai Kong “Dochi” Lee, director di AVB Sr. Randolf Lacle, representantenan di LIFIDA, team di futbol di LIFIDA, famia, amistad y conocinan tabata presente pa despedi y duna homenahe na nos gran legandario. Dia 8 di augustus di aña 1986, Buchi Panama a funda Liga Futbol Infantil di Aruba (LIFIDA). Banda di esaki, Buchi Panama tabata e fundado di Organisacion Futbol Damas Aruba (OFDA) y a inicia cu e Torneo Himno y Bandera Internacional riba 18 di maart, categoria U-13. Pa mas cu 25 aña Buchi Panama a forma parti di e directiva di AVB y na aña 2021 a nombra Buchi Panama como miembro honorario di AVB. Un anochi emotivo, unda cu den presencia di sernan keri a recorda e trayectoria impresionante di Buchi Panama. Durante e acto di despedida, Minister Endy Croes a hiba palabra dunando elogio na gran legado cu el a laga den e comunidad di Aruba. Finalmente, Minister Endy Croes ta desea familiar, amistad y conocinan di Buchi Panama hopi forsa cu nan perdida.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio